Yo ka dékouvè ki moun Bétjé yé !!!
Mardi, 2 Avril, 2019 - 21:40
Pep Matinik tala komik an tjou'y ! Sé jou-tala ou sé di tout moun ka dékouvè sa Bétjé yé. Yo ka koki zié-yo anlè foto ki ka montré bidim bay Bétjé ki fet asou litoral-la, anlè sa Léta ka kriyé sé "50 pa jéométrik" la. Tjiiip !
Sispann fè siléma, lézom ! Tout moun sav ki Bétjé pa janmen respekté pies lwa adan ti péyi-tala ek ki yo toujou fè gou épi lidé-yo. Ki tan zot janmen tann di yo maré an Bétjé ek fouté'y lajol ? KI TAN ? Anni gadé bankoulélé CREDIT MARTINIQUAIS a ! An bann Bétjé té ka fouré lanmen yo gra-épi-épé adan lajan labank-tala konsidiré sé té lajan-yo aloski sé ta fonksionnè neg épi milat. Yo té ka prété gwo lajan ki yo pa té ka janmen ranbousé, men lè an kliyan neg té ni an ti dékouvè, labank-lan té ka kriyé'y lamenm ek si zot wè i pa té pé kouvè tou-a i té ni anlè kont li a, yo té ka siprimen karné chek li.
Anni gadé tou eskandal KLOWDEKON la ! Sé Bétjé prézonnen tè Matinik, nich-dlo anba tè, lariviè ek jik litoral-la épi an salopté pestisid pannan pasé 30 lanné : 1972-2002. Magré Méritjen, ki té envanté pwodui-tala, té entèdi'y lakay-yo dépi lanné...1979. Es lajistis za terbolizé pies gwo plantè ? Es Léta fwansé ka rikonnet ki klowdékòn ka fè tout kalté kansè, soutou lapostat, fè siwawa atè Matinik ? Es yon sel Bétjé rikonnet sé té an vakabonnajri ek mandé padon ? AWA !
Kidonk poutji sé jou-tala, tout moun ka soté-maté kon kabrit zié-loli konsidiré yo pa té sav ki moun Bétjé yé ? Tjiiip !...
Image:
