Kréyolad 773
Foutbol madanm
Jid
Anjénéral sé fanm-lan pa ka djè kontan lè ni lakoup dimond foutbol, pas sé boug-la sé yen ki match yo ka wè. Zafè madanm, zafè kous pou fè an kay-la oben otjipé di yich sa pa djè anlè kont-yo.
Eben sé tan-tala, ou sé di sé madanm-lan ka pran rivanj-yo. Sé yo ka asiz latélé épi labiè-yo, délè menm an ti-ponch (sa yo mantjé) oben dité. Sé yo ka envité makoumè-yo pou gadé foutbol lakay-yo, pandan boug pou fè marinad oben dot bagay pandan yo ka blez kò yo o salon.
Eben wi, madanm ni dwa a sa tou. Yo jik ka fè blag pou di, sé boug-la kontel lé Matinino sé pé pran egzanp anlè yo. Foutbol-yo prop, pa ni zafè boug ka tonbé an soufas réparasion pou réklamé pénalti. La pa ni sik konsa, foutbol-la bel, senp klè.
Lasimenn pasé Kanada bat lé Matinino kat bi a zéro. Es sé pas lé Matinino prézanté nouvo drapo lanbi-a, ek nouvo lim la CTM-la yo bat nou kon an lanbi?
Antouléka lé Matinino ké ni pou kontinié fè kakol douvan Kiba pou rivé trapé an ti-chans kontinié titak pli lwen an Gold Cup 2019-la.
Sé jou-tala foutbol ka woulé ovantatè mé kiles étjip pou sipòté, lé Matinino oben Wendy Renar épi étjip Lafrans?
Ni anlo moun ki simié sipòté sé madanm-lan pas omwen, yo pa ka pèdi.
Toujou ni vié blag, sirtou an foutbol-la, ében sé boug drapo wouj-vè-nwè-a testé pou di sé pas Chaben té la épi drapo lanbi-a ki fè lé Matinino pran plich-tala.
Ni moun ki pa djè enmen yo koumandé yo sé pousa yo rayi wot-tay.Eben lavil Ofanswa ka viré balansé 8èm Festival kadriy ek wot-tay an pliziè komin. Toupandan linivèsité ka fè an gran konsit asou Zouk. Ni moun ka fè nou chonjé mizik-tala adan matjoukann nou. Sé pa yenki konpa ki Matinik, nou ni plen model mizik, kidonk fo nou aprann yo, pou nou pa anni valé sa dot péyi ka pòté ba nou swadizan kom lanovté.
Délè sé prop mizik nou yo ka adopté ek yo fè nou kwè sé yo ki fè’y.
Jid
Bel poveb kréyol 513
«Pa pran dlo mousach pou let».