CHABEN TE ASOU CHANTIE LISE CHELCHE A BOMATEN-AN
Mercredi, 22 Janvier, 2020 - 15:02
Dènié Konsey réjional, éti prézidan'y té S. LETCHIMY, pa janmen rivé rikonstwi Lisé Chelchè.
Tout moun ka chonjé ki lidé-yo sé té mofwazé Ansien Matènité Rèdout-la pou sa mété zélev ek pwofésè Lisé Chelchè, men 2013 pasé, yo pa rivé fè'y ! 2014 rivé, ayen menm ! 2015, an tjou-patat non pli ! Pannan-tan, zélev, pwofésè ek personnel adminisratif Lisé Chelchè té ka viv anba minas tjek tranbmann-tè.
Epi PPM ped éleksion téritorial la an désanm 2015 ek Gran Sanblé pwan pouvwè-a. Lamenm nouvo kolektivité-a kivédi la-CTM désidé mété sé moun Lisé Chelchè-a asou tè Lisé Lapwent-dé-Neg la, adan konténè klimatizé, annatanan rikonstriksion-an. Ki sa nou konstaté ? Ki yonndé pofésè lévé mouch wouj kont désizion-tala ! Yo jis manifesté nan lari, monté asou radio ek télévizion pou sa dénonsé'y. Men, final di kont, tout bagay woulé nawflaw okontrè di sa yo té swadizan prévwè ek Lisé Chelchè, nouvo Lisé Chelchè, pwan an bel balan. An balan i poko janmen té pwan !
Asiparé i pé menm wouvè pou larantré 2020. Antouléka, tout moun ki ka pasé douvan'y pé wè ki manniè sé lantoupriz-la ka vansé rachmabab pou sé délé-a pa dépasé. Bomaten-an, mèkrédi 22 janvié-tala, prézidan la-CTM, Alfred MARIE-JEANNE, vini vizité chantié-a pou sa wè ki léta'y ek i viré pati satisfet...
Image:
