La-CTM fè débriya otjipé di déga ki fet anlè Nò-Atlantik la
Apré sé lavalas-la ki fésé kò-yo asou lakot Nò-Atlantik péyi-a ek ki dépotjolé tibwen lawout, la-CTM pòté mannev pou sa koumansé rézoud poblenm-lan.
Alfred MARIE-JEANNE, met-a-manyok la-CTM, ek Daniel MARIE-SAINTE, konséyé ekzékitif ki ka otjipé di travo piblik, bat tout koté, tout lakanpay éti té ni déga pou sa bien miziré sa ki ni pou ranjé. Asou sé foto-a, yo anlè lawout Fon Sen-Jak, nan komin Sent-Mari, éti sé bidim lapli-a anni chiktayé luiloud-la toubannman.
Moun kay mandé Léta fwansé rikonnet sa yo ka kriyé "Léta katastwof natirel" mé annatandan, sé la-CTM ki ké pou mété lanmen nan poch-li. Erezman, CHABEN pa vréyé lajan alé kon dé serten konséyé té ka mandé'y la swédizan pou "rilansé lékonomi Matinik" palakoz kovid-19 la.
Anbonnè i pa moli ba sé moun-tala !
