I viré-mété 10.000 piébwa nan tè
Ni 9 anné di sa, nonm-tala désidé viré planté piébwa asou an kan mòn, adan an koté yo ka kriyé Fon-Véret, nan péyi Ayiti.
Apré tout sé lanné-tala, sé pasé 10.000 piébwa ki fè tan lévé asou an mòn ki té kon an koko sek toubannman. An mòn koté pa té ni yon sel ti branch zeb. Sa ki pli bel adan tou sa, sé ki nonm-lan fè tout travay-tala li-yonn, tou sel, san mandé pèsonn, pies lotorité ba'y an pal oben an lajan.
Sa bel tou davwa nou sav ki malérezman péyi Ayiti sé an koté éti pep-la té blijé koupé piébwa pou tjuit manjé nan 19è siek-la. Pies péyi l'Ewop ni lé Zéta-Zini pa té lé vann chabon-tè ba'y ki té prensipal konbistib moun té ka sèvi ayan yo dékouvè pétwol-la nan koumansman 20è siek-la. Poblem-la sé ki adan sé péyi twopikal-la kontel Ayiti, kouch tè-a étwet ek sifi ni an gwo lavalas pou i chapé-désann nan lariviè ek apré nan lanmè. Kifè sé mòn-la pa rété yon ti zing tè ankò ek sé woch-la nou ka wè.
Si té ni plis moun kon nonm-tala, asiré-pa-pétet Ayiti té ké pwan an lot balan...
