Chans lavey nwel

Pa koté Lanmanten yonndé loto pri difé asiré sé met loto-tala pé di yo ni an chans kochon lavey-nwel.

Ni an fanmiy lè isòti lanmes, magré sé pa té lanmes minui, ében i pa té ni an koté pou’y té pozé tet-li. Kay-la pri difé. Sé ponpié-a pa ni tan pozé pou pran menm an kout chwob, yo kouri pliziè koté kisiswa pou aksidan oben difé ki pri.

Mé pli red-la sé pou dé momniman lémò an komin Ofanswa ek Dikos. Sé solda sé komin-tala pé di yo vréman ni an chans kochon lavey-nwel. Magré yo ja janbé liziè, ni moun éti pa ni respé pou yo ek sa yo fè. Kisiswa ladjè 14, déziem ladjè-a, Lendochin oben Laljéri tout sé solda-tala té ni non yo asou an moniman an komin-lan dépi konmen tan. Eben yo krazé-brizé sé plak-la épi non sé solda-a.

Ni an konpè Adjilbè ki tris kon an jou san pen. Misié té fiè pas non gran-papa’y té asou plak-la. Sé kondisiré yo té viré ba gran-papa’y an bal an mitan tjè.

Manmay si nou pa ni respé pou moun mò nou ankò, vréman nou pa ni respé pou kò-nou ankò.
Anlo moun ka éséyé konprann aksion-tala:

— Es sé an moun ki té boulé?

— Es sé an moun ki pran twaziem doz-la oben pliziè doz an wonm-lan?

— Es sé yonn ki pa té lé tann palé di zafè vaksen-an ek tet-li pati an vites?

Anfen adan tout vié anbians-tala Aimé pofité pati é kité anlo artis an lapenn. Misié té ka défann yo koupé yonndé artis vini di’y sa pa koté Ofanswa. An menm balan pa koté Lafrik Lisid Desmond Tutu pofité pati monté an Filao wè Mandéla.

Manmay annou pofité di wè sa artis nou ka fè lè yo vivan ek rimèsié yo épi tiké konsè nou asiré yo ké ni titak plis chans sirtou apré zafè viryis-tala.

Jid

Bel poveb kréyol 643

«La dévenn sé toujou pou kochon meg».

Photo Sabine Aldrivon Milton