Le 8 mas, sé jou pou matjé dwa fanm é sé sa i fè. Ni an ti-jennjan ki sòti la i sòti a, ek i fè Marsel an ziédou. Sa i pa té sav la, sé ki manzel pa ka fè lafet. I maché anlè ti-bray la, misié konprann zafè’y té bel. Dan’y té ka fè sik, ek sé té lafet fidji’y. Mé i ba tiboug-la an souflé bim!

Lè misié ouvè zié’y i trapé an do-lanmen ek an palaviré dèyè’y. Misié dapré’y té lé fè an koulé anlè Marsel.

Fok di, sé jou-tala ni an vié-mes nou pran ayè, yo kriyé sa an zafè «cougar». Sé fanm bien mi ka chaché dé jénes pou trapé satis. Fok sav sé fanm-tala prézantab anlè tab kon anba tab. (Man pa ka di yo ni bon largis pou pies fanm l’UFM pa di man pa ka respekté fanm).

Jou 8 mas-la ni bon pawol ki pa té toujou prop ni bel ki monté désann alé viré chario.

Fanm pa janmen di yo lé plis dwa ki nonm, mé yo ka réklamé dwa yo.

Si kontel yo lé kondui kanmiyon (bagay jòdijou ki ni volan asisté) yo pé pa konpran poutji yo pa ni dwa tou.

Si yo pa anvi rété an kay ankò, yo fout ni rézon si yo bizwen alé brè labiè yo tou épi moun yo anvi. Sa ki pa bon pou zwa ka déchiré fal kanna. Si yo anvi fè larmé, yo pa mantjé ayen pas yo ni tousa ki fo yo. Sé bien pou sa Jozet fè sé nonm lan konprann ki fanm pé fè tousa yo lé é sé yo, fanm ki pou chwézi.

Si yo anvi palé di foot-ball poutji yo ka ka opozé yo palé. Anni gadé sa ki rivé Jiliet, dret jou 8 mas-la. Li ki amatez foot-ball, i té di PSG té ké piéjé mé yo di’y sa sé pawol fanm. Eben tout moun wè manniè yo asiz anlè sé foot-balé voras-tala. Sé jwè-tala toujou ka mandé péyé yo anlo lajan, menmsi yo pa ka djè matjé bel bi.

Kou-tala manzel té ni rézon pas étjip-la pran an TCSP bi.

Jid

* * *

Bel poveb kréyol 407

«Fanm sé chaten’y, nonm sé friyapen dou».