Jenn Ayisien ka chapé Chili : "Lidè politik, sispann ba nou manti !"
![Jenn Ayisien ka chapé Chili : "Lidè politik, sispann ba nou manti !"](http://www.montraykreyol.org/sites/default/files/styles/large_optimisee/public/d_23.jpg?itok=Ywjeu9Ib "Jenn Ayisien ka chapé Chili : "Lidè politik, sispann ba nou manti !"")
Adan vidéo-a ki anba artik-tala nou ka wè an patjé jenn moun Ayiti ki désidé pati-kité péyi-yo pou ay viv jik nan bout boul-tè(continent) méritjen an adan an péyi yo ka kriyé Chili. Péyi-tala sitelman lwen ki sé konsidiré yo té kay an Ewop ek dayè klima'y pres menm-parey épi anlo péyi niopen (européen) kivédi ni bon livè anba-a. Poutji sé jenn moun-tala ka foukan ? Yo tout la ka réponn sé davwè (parce que/because) yo pa ka jwenn travay an Ayiti ek yo bizwen swen fanmi-yo. Kifè yo pa ni dot solision ki ay chaché an lot lavi adan an lot péyi menmsi péyi-tala an vitjoumakwenn (très loin/very far). Kon an jenn boug ka di adan vidéo-a :
"Lidè politik, sispann ba nou manti !"
Chak prézidan ki rivé an tet Ayiti ka toujou pwonmet anlo bagay. Ki i ké rabonni (améliorer/to better) lavi pep-la, ki i ké konstwi kay, lékol, lawout, lopital kisasayésa...(etc.), men malérezman, pi souvan ki rarman, sé bel pawol ki la é kon tout moun sav, bel pawol sé van. Epi sé pa anni (seulement/only) Chili jénes ayisièn ka foukan : i kay Meksik tou (aussi/too), i kay Panama, i kay Kosta-Rika kivédi dé koté Ayisien pa té ni labitid alé. Kon Donald TRUMP ka fèmen lapot lé Zéta-Zini ba moun-andéwò(étranger/foreigner), Ayisien blijé ay dot koté.
Sa red. Sa tris !...