Matinik té an jòn épi apré i pasé an koulè zoranj. Sa mélé anlo moun ki annilé anlo manifestasion épi lapli-a.

Ni sa ka wouspété pas lamétéwo té ké aveg. Yo ka bliyé sé moun lamétéwo-a ka prévwa ek yo pa Bondié.

Antouléka anlo moun bien kontan pa té ni gwo van pas yo pa anvi viv ni anlot siklòn Edit oben Igo ki té ratibwazé Gwadloup.

Adan politik-la sé kandida-a pa té ka ped tan. Nou té ka wè yo adan tout fet patronal. Si ni yondé ka di franchman yo pa an kanpàn, ni dot kontel sé dé Moris-la k i pa ka tjansé pou di yo ka prévwa pou le 24 septanm dan éleksion sennatè-a.

Etidian ka paré zagré yo pou pati an Frans. Kontel chaché lojman. Sa ki pa ni labitid fè démach ka dékouvè fok yo ké sispann konté anlè lé paran ki pé ké an Frans épi yo. E sé la sé boug la ka fè lésans an avion-an désidé pété an lagrev. Asiré sé jou-tala sa pa djè entérésan alé Laéwopò Aimé Césaire.

Ni dot sé anlè Watsapp yo ka ped tan-yo pou an zafè tatwaj. Komité Miss Frans  pouchanjé reg-la pas tout moun tatwé jòdi. Si yo pa pran an désizion pétet yo pé ké ni kandida lanné prochenn. Antouléka anlo pa ka konprann poutji sa ki pa bon pou zwa ka déchiré fal kanna.

Pétet fok réklamé tatwa Miss Frans anlè lapo yo pou yo sa éli.

Jid

* * *

Bel poveb kréyol 428

«Sa ki pa bon pou zwa, pa bon pou kanna».