Epi van ek dlo, Maria endé yo?

Es sa vé di Maria kont sa Mano Lafrans ka prévwa pou an patjé moun ki trapé an ti kontra?

Dapré sa man ka wè, sé pa moun selman ki mékontan, jik lanati anrajé ek i ka fè nou sav sa.

Ni an boug, lè i tan Maria i konprann sé té Marina chanté «Les frères Déjean» an. I kwè zafè’y té bel ek i té ké dansé an gou’y.  Maria fè’y konprann lamenm nou an period siklòn ek fok nou pran  pokosion. Kidonk koupé piébwa ki pé tonbé kay vwazen-an; lontwayé goutiè; debouché kannal pou pa opozé dlo-a koulè alez kò’y.

Adjilbè di mwen  konsa:

— Ou wè man té di zot pengad ek lè bab kanmarad ou ka brilé fok ou wouzé ta’w. Eben lot jou sé té pou moun Sen-Maten, atjelman sé ké Gwadloup, Dominik é nou poko a labri. Touné nou ka vini kidonk fok nou paré zagré nou. Toutan fen mwa novanm pa rivé, nou poko pé di nou chapé.

Maria fè moun chonjé nou adan laliwondaj éti siklòn ka mandé nou rété véyatif. Lè van sòti pabò Lafrik sé direk anlè Lézantiy ek Lamérik i ka rivé.

Yé sis maya, man ka mandé kò mwen es Maria endé poutoulbon sé moun an éti trapé an ti-kontra. Fout sa vré «délè sé lè ou ni lenj ou déchiré ou ka jwenn belmè’w».

Jid

* * *

Bel poveb kréyol 431

«Lè solèy ka chofé, chien ka di i ké fè kay li».