Vié dlo

Manniè sa ka alé la-a, toutalé nou pé ké menm pé alé lariviè ankò, ni brè dlo sous ankò. Pli danjéré-a sé dlo anbatè. Asiparé komkidiré dépi 2014 sa vini ankò pli danjéré.

Es nou kondané genyen dlo enpòté?

Es dlo-tala limenm bon?

Lofis dlo ka mandé moun pengad, pas menm dlo moun ka brè pa alabri. Anlo dlo izé pa bien trété. Anni gadé sa ka pasé pa koté Lagaléria. Sa pa djè ka santi bon lè’w ka pasé douvan’y abò loto. Anlo estasion épirasion pa ka bien maché é dlo-a ka tonbé an lanmè pa djè bon nonpli.

Mé sé pa lariviè selman dlo-a sal. Pa koté MOZAIK yo sali dlo-a tou épi an chanjman chofè. Dépi pasé an simenn moun ka atann bis ki pa ka rivé. Sa ki genyen marché tranpò-a poko ni bis. Asiparé yo koumandé’y ek i anlè lanmè ka vini.

Tousa sé vié jes, menmsi sa ka fè nouwè nou pa ka maché asé pou nou sa swé vié dlo.

Jid

* * *

Bel poveb kréyol 454

«Dlo sé lavi, pa sali’y».

Photo: Francesca Palli