Transpò an bililik

Pa ni lotobis pou déplasé dépi twa simenn. Moun oblijé fè sa yo pé kon yo pé pou déplasé. Sitiasion tala telman krabik, sa fè ki an madanm tonbé léta. I désidé blotjé tou douvan sé grévis-la. Mé lapolis rivé lamenm pou fèy sispann opozé loto sikilé.

Ni an boug ka chaché lakanbiz-li, ek i ka goumen ba sèten chofè ki poko sav ki manniè yo ké pé woulé, ek ki moun ki nouvo patron yo. Yo fè kriyé Loulou ka otjipé di transpò dan tout Matinik. Mé misié kasé bwa an zorèy-li pas i ka sanm chaj-la two lou.

Anlo moun (ki ni loto) ka mandé poutji pa ni an sèvis minimom. Ni malérez ki pé menm pa alé wè doktè éti dépi twa mwa yo té pran randévou. Tjanmay lékol ka rivé anrita. Sé lé pli maléré ka pran fè an bagay-tala. Sirtou sa ki pa ni loto.

Ou sé di zafè transpò-a ni an madichon an péyi-tala. Dépi la TUMA, le GET, la SETUF ek atjelman MOZAIK, pa janmen rivé ni an chayaj moun potalan pou déplasé.

Ou sé di lé dirijan éti ki ni loto fonksion yo, bien manfoupamal. Sel manniè transpò ké pétet réglé sé lè pétet an sosiété lotbò ké pran laba.

Adjilbè pa toutafetman dakò épi sa mé i ka di kanmenm:

— Si Chaben épi lot prézidan-an té ka pran MOZAIK, pétet ni lontan sa té ké ja réglé!

Yo di i diktatè, é i Chaben té ka mandé tout konséyé vini abò bis, es té ké ni pléniè a lè?

Antouléka sa ki ni loto ka pran fè dan anboutéyaj mé sé sa ki pa ni loto ka kontinié pran plis fè. Lè ou pa ni loto Matinik fout ou ka pran fè!

Jid