Ant la CACEM, Martinique TRANSPO, MOZAÎK, la CTM nou pa fouti sav ki moun ki reskonsab. Tala ka di sé Jak, lot la ka di sé Gotié. I ni senkant chef é menmsi Prézidan di sa, yo d’iy fok li péyé pou sa maché a vid.

Antouléka Adjilbè di mwen konsa:

— Asiré pa avan lanné prochenn sé gran bis-la pé ké woulé!

Pandan tan-an, chofè taksi ka vréyé labou pas yo ka opozé yo pran lawout TCSP-a, ek yo blijé désann anvil pou pran anboutéyaj.

Lasimenn pasé Plateau Roy kankan-an viré pété lè yo palé di péyé sosiété-a ki mété fè lawout-la ek livré sé BHNS la. An sel vakabonajri ka alé la ant sé konséyé a. Nou tout sav lé konséyè pa lé péyè. An pati adan yo ka di yo pa dakò péyé, anlot ka di fok péyé pas yo ni an kontra é yo ké alé an jistis.

Adan tousa, sé bien sa ki a pié ki pé pa achté loto yo ka pran bon fè. Kantapou sa ki ni loto sé anboutéyaj pli red yo ka pran touléjou.

Adjilbè mandé mwen:

— Es TCSP-tala sé pa an lespwa mal-papay?

Kidonk an bagay ka fléri mé ki pa ka janmen pòté.

Fout man ni lidé misié ni rézon pas tout lawout fet, fé ka maché, mé TCSP-a pa fouti woulé.

Es fok anlot sosiété vini pou sé éli nou an mété kò-yo dakò!

Si yo té ka pran transpò an komen ni lontan sa té ké ja bout, pas lè pou yo alé an pléniè asiré yo té ké pran ankò plis rita pou koumansé.

Jid

* * *

Bel poveb kréyol 433

Ou faché avek gran chimen, ki koté ou ap pasé?